Икки ёш тоифасидаги Ўзбекистон чемпионати билан янги мавсум бошланади

12-19 январь кунлари пойтахтимиздаги "Универсал" спорт мажмуасида ёшлар ҳамда ўсмирлар ўртасидаги Ўзбекистон чемпионати бўлиб ўтади. Дастлаб 12-15 январь кунлари 2003-2004 йилларда таваллуд топган ёшлар, кейин эса 16-19 январь кунлари оралиғида 2006-2007 йилларда туғилган ўсмирлар мамлакат чемпионлиги учун баҳсларга киришадилар. 

Декабрь ойида Қорақалпоғистон Республикаси, барча вилоятлар ҳамда Тошкент шаҳрида Ўзбекистон чемпионатига саралаш вазифасини ўтаб берган мусобақалар ўтказилди ва жамоалар шакллантирилди.

Мамлакат биринчилигида ўз вазн тоифасида ғолиб ва совриндор бўлганлар ўсмирлар ҳамда ёшлар терма жамоалари сафини тўлдиради. Табиийки, улар шу йил ҳисобидан ўтказиладиган Осиё ва жаҳон чемпионатларида юртимиз шарафини ҳимоя қилиш имкониятига эга бўладилар.