14 май 17:39
Янгиликлар

Бокс/ММА

Икрам Алискеров рақамли UFC турнирида жанг ўтказади

Россиялик ўрта вазн тоифаси вакили Икрам Алискеровнинг навбатдаги жанг тафсилотлари маълум бўлди.

У Янги Орлеанда ўтказиладиган UFC 318 турнири кардида жанг ўтказади. Икрамнинг рақиби Топ-15 рейтингига кирмаган бразилиялик Бруно Феррейра бўлади. 32 ёшли Алискеров ўтган ойда Андре Мунизни биринчи раундда техник нокаутга учратган эди.

Ёдингизда бўлса, Икрам Алискеров ўтган йилнинг июнь ойида жуда қисқа фурсатда Роберт Уиттакер билан жангга розилик берганди. Тайёргарликсиз октагонга чиққан Икрам австралиялик жангчи томонидан икки дақиқа ичида техник нокаутга учратилганди.

Бруно Феррейра эса шу йилнинг март ойида Армен Петросянни иккинчи раундда бўғиш усули билан таслим этганди. Бразилиялик 32 ёшли спортчи ундан аввалги жангида Германия шарафини ҳимоя қилаётган доғистонлик Абусупиян Магомедовга ютқазиб қўйганди.