Илон Маск ва Жефф Безос "Формула-1"да иштирок этмоқчи

Бу ҳақда The Sun US нашри хабар бермоқда. Шу билан бирга ҳозирда чемпионатни сотиб олиш ҳақида гап-сўз йўқлиги хабар қилинган.

"Формула-1"нинг амалдаги эгаси Американинг Liberty Media компанияси бир вақтлар уни 4,4 миллиард долларга сотиб олган эди. Мутахассисларнинг фикрича, айни дамда унинг нархи икки баравар қиммат.

Эслатиб ўтамиз, Маск ва Безос яқинда бўлиб ўтган Майами Гран-присига ташриф буюрди. Илон мавсумнинг амалдаги фаворити ҳисобланган Австриянинг "Ред Булл" жамоаси меҳмони бўлди, шунингдек, ФИА президенти Муҳаммад бин Сулайем билан учрашди. Жефф  эса ўз ўрнида "Макларен"га ташриф буюрди.