Жокович Лэйвер Кубогида ўйнайди. "Катта тўртлик" бир жамоада жам бўлади

Жокович Европа жамоасининг тўртинчи аъзосига айланди. Унда Рожер Федерер, Рафаэль Надаль ва Энди Маррей ҳам ўйнайди. Шу тариқа, “Катта тўртлик” вакиллари бир жамоа таркибида илк бор турнирда иштирок этишади.

"Бу сиз одатда рақиб бўладиган йигитлар билан бир жамоада ўйнашингиз мумкин бўлган ягона мусобақа. Менинг барча даврлардаги энг кучли учта рақибим: Рафа, Рожер ва Энди билан бир жамоада бўлиш - бу бизнинг спортимиз тарихида  чиндан ҳам ноёб лаҳза бўлади", - деди Жокович.

"Бу тўртта спорт иконкаси қачонлардир бир жамоада ўйнашини тасаввур қила олмасдим. Биламан, улар ҳам мен каби бу лаҳзани қадрлашади ва чин дилдан хурсанд бўлишади. Бизнинг ҳар йилги мақсадимиз ғалаба қозониш. Менимча, Рафа, Рожер, Энди ва Новак билан жамоада яхши имкониятларга эга бўламиз”, - деди Европа жамоаси сардори Бьорн Борг.