Жон Жонс: "Мен ноҳақ эдим - шахсан Дана Уайтдан узр сўрайман"

Америкалик аралаш яккакураш устаси британиялик Том Аспиналл билан жанг бўйича музокаралар муваффақиятсиз якунлангани учун ўз айбини тан олди.

"Менинг ҳозирги асосий мақсадим - Оқ уй кардига кириш. Мен Дананинг совушига вақт бераман. У менинг ва болаларимнинг ҳаётини ўзгартирди ва мен ундан умрбод миннатдорман. Бизда Аспиналл билан жанг қилиш ҳақида оғзаки келишув бор эди, аммо бундан ҳеч нарса чиқмади. Гарчи ҳеч нарса қатъи тасдиқланмаган бўлса-да, мен ўз айбимни тан оламан - мен ноҳақ эдим. Ҳаммаси шундай бўлганидан афсусдаман.

Мен уни шахсан кўришни ва барчасини унутиш ва спорт учун катта пул ишлаб топиш ҳамда мухлисларни хурсанд қилиш учун кечирим сўрашни хоҳлардим. Мен унга ёқсам, унинг севимли жангчиларидан бири бўламан. Агар йўқ бўлса, мен унинг сочи тўкилишига сабабчиман", - деди Жонс.

Шу йилнинг июнь ойида Жон Жонс профессионал фаолиятини расман якунлади ва оғир вазн тоифасида UFC чемпионлик камарини вакант қолдирди. Вақтинчалик камар эгаси Том Аспиналл эса дивизионнинг тўлақонли чемпиони деб эълон қилинди. Келаси йилнинг ёзида америкалик фаолиятини давом эттиришни ва 14 июнга режалаштирилган Оқ уйдаги турнирда Алекс Перейра билан жанг ўтказишни режалаштирмоқда.