14 окт 11:32
Янгиликлар
Кураш
Кураш Ислом Бирдамлик ўйинлари дастурига киритилди
Халқаро Кураш Ассоциациясининг (IKA) маълум қилишича, кураш Ислом Бирдамлик ўйинлари дастуридан жой олди.
Мазкур комплекс турнир 7-21 ноябрь кунлари Саудия Арабистонининг Ар-Риёд шаҳрида бўлиб ўтади.
IKA Бош котиби Муҳаммад Реза Насcирининг Осиё ва Африкадаги барча миллий Кураш федерацияларига юборган расмий хатида қайд этилишича, ушбу мусобақада иштирок этиш имконияти барча Ислом мамлакатлари федерациялари учун очиқ ҳисобланади.
Ташкилотчилар билан келишувга кўра, ҳар бир мамлакат делегацияси учун 6 нафар иштирокчига бепул турар жой ва овқатланиш таъминланади. Улар 2 нафар мураббий, 2 нафар эркак ва 2 нафар аёл спортчидан иборат бўлиши талаб этилади.
Кураш беллашувлари эркаклар ўртасида –66 кг, –81 кг, аёллар ўртасида эса –57 кг, –70 кг вазн тоифаларида ташкил этилади.
Ҳавола :
Манба : kurash-ika.org
Фикрлар