Муроджон Аҳмадалиев: "Биламан, сизларга жанг ёқмади, лекин бунинг сабаби бор эди"

"Жангни кўрдингиз. Биламан, сизларга ёқмади. Чунки рингда ўзим хоҳлаганимдек ишлай олмадим. Сабаби, мендан олдинги жангни чамаси 36 дақиқа ичида тугашини кутгандик, лекин у 3-4 раундда йиқилди. Шундан кейин бизга 15-20 дақиқа беришди. Шунинг учун мен қизиш машқларини бажаролмадим. Киришиб кетишим қийин бўлди. Озгина вақт етишмади. Шунинг учун рингда ўзим хоҳлаганимдек ишимни бажаролмадим. Вазн ташлаш жараёнидан кейин барибир овқатланасиз, вазн ортади. Шу жараённи мен ўзимга бўйсундира олмадим, чунки менга вақт етишмади. Кўпчилик хоҳлади, мен ҳам истадим мутлақ чемпион бўлишни. Аммо мен қўлдан келганича, рингга чиқиб ҳаракат қилдим.", дейди Аҳмадалиев ОАВ вакиллари билан суҳбатда.

Эслатиб ўтамиз, 30 ёшли Муроджон 14 сентябрь куни япониялик Наоя Иноуэга очколар ҳисоби бўйича имкониятни бой берганди.