05 дек 11:55
Янгиликлар
Бокс/ММА
Рафаэль дос Аньос Конор Макгрегорга "вызов" ташлади
Енгил вазнда собиқ UFC чемпиони Рафаэль дос Аньос Конор Макгрегор билан жанг қилиш истагини билдирди.
Бразилиялик 38 ёшли аралаш яккакураш устаси кеча тонгда АҚШнинг Орландо шаҳрида ўтказилган UFC Fight Night турнирида америкалик Брайан Барберенани иккинчи раундда бўғиб қўйганди.
"Ўйлашимча, бугунги ғалабадан сўнг исталган жангчимни октагонга чақириш ҳуқуқига эга бўлдим. Шундан келиб чиқиб мен Конор Макгрегорга "вызов" ташлайман. Унда ҳозир истеъмол қилаётган дори-дармондан тозаланиб олиш учун вақти бор. Июлда кўришамиз", — кечаги жангидан кейинги матбуот анжуманида фикр билдирган Аньос.
Рафаэль дос Аньос ҳисобида 32 ғалаба ва 14 мағлубият бор. Макгрегор эса сўнгги жангини 2021 йилнинг июль ойида UFC 264 турнири доирасида Дастин Порьега қарши ўтказиб, мағлуб бўлган эди.
Ҳавола :
Фикрлар