22 дек 14:08
Янгиликлар

Теннис

Россия собиқ спорт вазири Раҳимова, Кудерметова ва Тимофееванинг Ўзбекистонни танлаганига муносабат билдирди

Россия собиқ спорт вазири, қиличбозлик бўйича Олимпиада чемпиони Павел Колобков россиялик Мария Тимофеева, Камилла Раҳимова ва Полина Кудерметованинг Ўзбекистон байроғи остига ўтиши ҳақида гапирди.

"Теннисчиларнинг бошқа мамлакатларга кетиши аввал ҳам бўлган. Бу теннисчиларнинг мотивлари ҳақида ўйлашни истамайман. Бу биринчи навбатда Россия теннис федерациясига тегишли масала. Эҳтимол, Ўзбекистонда уларга қандайдир яхши молиявий шароитлар таклиф қилингандир. Бу биринчи ва охирги ҳолат эмас, бу спортчиларнинг одатий миграцияси. Хўш, дунёнинг 55, 104 ва 143-ракеткалари бошқа давлатга ўтди, бу уларнинг танлови", - дея Колобковнинг сўзларини келтиради "ВсёПроСпорт".