"Сенда бошқа ташкилотлардан устун бўлган нима бор?". Теренс Кроуфорд WBC раҳбарига кескин мурожаат қилди

"Кўряпман, Маурисио [Сулейман] мени 300 минг доллар тўламаганим, ундан ташқари яна 100 минг доллар санкция ҳақида гапирибди, шундайми? Кейин у мендан узр сўрашимни кутяпти. Мени ким деб ўйлаяпсан? Ўзингга бир шапалоқ уриб юбор. Жин урсин, мен сенга ҳеч нарса тўламайман.

Қайси 300 минг доллар ҳақида гапиряпсан? Сени бошқа ташкилотлардан устун қилиб турадиган нима бор? A? Шу саволга жавоб бер. WBO, IBF ва WBA мен берганни қабул қилди, фақат WBC ўзини ҳаммадан юқори қўяди. Шундай эмасми? Бу яшил камар — ҳеч нарса эмас. Асил камар — бу The Ring камари. У текин берилади, аҳмоқ. Нима демоқчисан ўзи?" — деди Кроуфорд ижтимоий тармоқларда.