20 июн 13:05
Янгиликлар

Спорт курашлари

Улмекен Есенбаева ҳам Осиё чемпионатининг финалга йўл олди

Хабар берганимиздек, Қирғизистон пойтахти Бишкек шаҳрида эркин, юнон-рум ва аёллар кураши бўйича ўсмирлар (U 17) ҳамда ёшлар (U 23) ўртасидаги Осиё чемпионати давом этмоқда.

Айни дақиқаларда юнон-рум ва аёллар кураши бўйича саралаш беллашувлари ўтказиляпти. Бироз аввал яна бир ҳамюртимиз финал йўлланмасини қўлга киритди.

Аёллар кураши баҳсларининг 61 кг вазн тоифасида юртимиз шарафини ҳимоя қилаётган Улмекен Есенбаева ярим финалда мезбонлар вакиласи Жаркинай Нурлан Кизидан 10-0 ҳисобида устун келди.

Ўтган йили кадетлар ўртасида жаҳон чемпионатининг бронза медалини қўлга киритган Есенбаеванинг Осиё чемпионати финалидаги рақибаси ҳиндистонлик Савита Савита бўлади. У ярим финал учрашувида япониялик Нана Морохошидан устун (4-0) келди.