28 сен 11:29
Янгиликлар

Бокс/ММА

100 000 фунт жарима тўлаган жаҳон чемпионида энди допинг аниқланди

Профессионал бокс бўйича яна бир жаҳон чемпиони допинг-можаросига аралашиб қолди.

Аниқроғи, ўрта вазн тоифасида WBO йўналиши чемпиони Билли Жо Сондерс допинг-текширувдан ўта олмади. Эркин антидопинг ассоциацияси 29 ёшли жаҳон чемпионидан допинг-таҳлил олди.

Британиялик боксчининг қон таркибида тақиқланган оксилофрин моддаси аниқланган. Бу стимулятор WADA томонидан эълон қилинган қатъиян маън этилган моддалар рўйхатида бор.

Эътиборга молик жиҳати шундаки, Сондерс икки кун аввал наркотик моддалар туфайли 100 000 фунт стерлинг миқдорида жаримага тортилганди. Энди эса допингга тушиб қолди. Энди катта эҳтимол билан унинг 20 октябрь кунига белгиланган Деметриус Андрадега қарши жанги бекор қилинади. Хатто чемпионлик камаридан ҳам маҳрум қилиниши мумкин.