Осиё чемпионати: Қозоғистон томони ҳамюртимиз билан жангдаги натижа бўйича норозилик шикояти билдиргани айтилмоқда

4 август куни мусобақа доирасида 75 кг вазн тоифасида Ўзбекистон терма жамоаси аъзоси Шавкатжон Болтаев қозоғистонлик Аман Консбековни 4:1 ҳисобида мағлуб этиб, ярим финалга йўл олганди.

Ушбу беллашувдан сўнг қозоғистонлик бокс мухлислари, бундан ташқари, Консбековнинг ўзи ҳам жанг натижасидан норози эканини очиқ ойдин билдирди.

"Бей в Кость" Telegram каналининг ёзишича, Asian Boxing ташкилоти қоидаларига кўра, эътироз билдириш ва жанг натижаларини қайта кўриб чиқиш имкони йўқ. Аммо ушбу турнирда Эрон, Ҳиндистон ва бошқа мамлакатлар боксчилари иштирокидаги кўплаб можароли вазиятлардан сўнг, янги ташкил этилган тузилма натижалар бўйича "протест" билдиришга рухсат берган. Қозоғистон эса бундан фойдаланиб, Консбековнинг жанги бўйича шикоят хати киритган.

Ҳозирча бу бўйича расмий хабар берилмади.