26 дек 13:50
Янгиликлар

Бокс/ММА

Шон О`Мэлли: "Шуга Оқ уйда Янга, Америка эса Россияга қарши! Бу мантиқан тўғри"

UFC’нинг ўта енгил вазн тоифасидаги собиқ чемпиони, америкалик 31 ёшли Шон О`Мэлли 2026 йил 14 июнь куни Оқ уйда бўлиб ўтадиган UFC турнирида октагонга чиқмоқчи.

Шон яна бир бор 61 килограммгача бўлган вазнда амалдаги UFC чемпиони, россиялик 32 ёшли Пётр Ян билан жанг ўтказиш истагини билдирди.

"Оқ уйда Пётрга, Америка Россияга қарши! Бу мантиқан тўғри. Аммо мухлислар буни кўришни хоҳламайди. Буни YouTube`даги роликим остидаги изоҳларда кўрдим. Одамлар шунақа: "Вой, сен имкониятни қўлга киритаман деб ўйлаяпсанми, яхшиси уриш". Хўп, майли, сиз ҳақсиз. Пётр билан Мераб ўртасидаги жангни яна қайта кўриб чиқишингиз мумкин. Давом этинг, мен бир четда кутиб, ажойиб томоша кўрсатаман. Сиз эса бундай имкониятни қўлдан бой берганингиздан афсусланасиз", - дея О`Мэллининг сўзларини келтиради Low Kick MMA портали.