"Топурия учта тоифада чемпион бўла олиши мумкин" - UFC собиқ жангчиси

"Турли дивизионларда учта камарни ким қўлга кирита олади? Илия Топурия. Бу йигит жуда кучли кўникмалар тўпламига ва менинг назаримда, юқорироқ вазн тоифаларига ҳам ўта оладиган даражадаги ақлбовар қилмас кучга эга. Вазнни оширганда ёки камайтирганда — мен буни ўз бошимдан ўтказганман — турли қийинчиликларга дуч келасан.

Мен ярим енгил вазнда жаҳон чемпиони бўлганман, энг енгил вазнда эса чемпионликка даъвогар бўлганман. Енгилроқ бўлсанг — бироз тезроқ бўласан, оғирроқ бўлсанг — бироз кучлироқ. Аммо охир-оқибат ҳаммаси техника, ирода кучи ва жангчилик руҳига бориб тақалади. Менимча, Илияда ҳозир буларнинг барчаси бор", — деди Фейбер.

Эслатиб ўтамиз, Илия Топурия сўнгги марта июнь ойи охирида октагонга чиқиб, Чарль Оливейрани нокаутга учратган ва енгил вазн тоифасидаги чемпионлик камари соҳибига айланганди.