26 дек 14:32
Янгиликлар

Бокс/ММА

16 йил қамоқда ўтирган 52 ёшли боксчи фаолиятидаги илк мағлубиятни қабул қилиб олди

Нигерияда ўтган проф бокс турнирида супероғир вазнда WBC International камарининг собиқ соҳиби 52 ёшли мезбон боксчи Айк Ибеабучи 45 ёшли ҳамюрти Кабиру Товалавига қарши рингга кўтарилди.

Нигерияликлар ўртасидаги жанг тўлиқ 12 раунд давом этди ва унда Кабиру ҳакамларнинг якдил қарори (117-111, 115-114, 115-113) билан ғалаба қозонди. Қизиғи, Ибеабучи учун бу мағлубият профессионал фаолиятидаги биринчиси бўлди.

Маълумот учун, Айк бунгача 21 та жангда ғалаба (16 таси ногкаут) қозонганди. 1999 йилда Ибеамбучи зўрлашда айбланиб, 16 йиллик қамоқ жазосига ҳукм қилинган эди. Нигериялик боксчи 2015 йилнинг декабрида озодликка чиққанди.