23 дек 07:29
Янгиликлар
Оғир атлетика
Адҳамжон Эргашев ва Муниса Одилова Қатарда шоҳсупага кўтарилди
Хабар берганимиздек, шу кунларда Қатарнинг Доҳа шаҳрида оғир атлетика бўйича 10th Weightlifting Qatar Cup турнири ўтказилмоқда.
Унда иштирок этаётган Ўзбекистон терма жамоаси аъзолари дастлабки медалларга эга чиқишди.
Мусобақа доирасида аёллар ўртасида 48 кг вазн тоифасидаги баҳсларда чиқиш қилган Муниса Одилова даст ва силтаб кўтариш, шунингдек, умумий 143 кг натижа билан икки кураш якуни бўйича ҳам иккинчи бўлди. Якунда Одилова мусобақани 3 та кумуш медаль билан ниҳоясига етказди.
65 кг вазн тоифасида кечган беллашувларда эса ҳамюртимиз Адҳамжон Эргашев даст кўтариш, силтаб кўтариш ҳамда икки кураш якунига кўра, учта бронза медалини қўлга киритди.
Эътиборлиси, Адҳамжон Эргашев икки йиллик танаффусдан сўнг кетма-кет иккинчи мусобақада ҳам шоҳсупага кўтарилиб, ўзининг юқори спорт формасини яна бир бор намоён этди.
Ҳавола :
Манба : t.me/weightlifting_fed
Фикрлар