11 окт 22:58
Янгиликлар

Бошқалар

2018 ёки 2019 йил Тошкент хоккей клуби КХЛда ўйнаши мумкин

Континентал хоккей лигасида илк бор Ўзбекистон клуби пайдо бўлиши мумкин.

Яқин икки мавсумда КХЛга Тошкент клуби аъзо бўлиши мумкин. Бу ҳақда olamsport.com Россия матбуотига таяниб хабар берди.

Январь ойи охирида Ўзбекистон пойтахтида «Ҳумо Арена» муз саройи қурилиши бошланди. Ушбу спорт комплекси 12 минг томошабинга мўлжалланган. Сарой 2018 йил куз фаслида тугаши кутилмоқда.

Ушбу сарой ишга тушгач «Бинокор» хоккей клубининг КХЛ лигасидаги ўйинларини қабул қилади.

Клубни ERIELL компанияси молиялаштириши кутилмоқда.

Собиқ иттифоқ даврида «Бинокор» 1973-1988 йилларда биринчи лигада иштирок этганди.

Айни пайтда КХЛда 7 мамлакатдан 27та клуб иштирок этмоқда – Россия, Беларусь, Қозоғистон, Латвия, Хитой, Финляндия ва Словакия. 2017/18 йилги мавсум якунида учта клуб лигани тарк этади.