19 янв 09:00
Янгиликлар

Бокс/ММА

Фазлиддин Ғоибназаров АҚШда навбатдаги жангини ўтказди

Рио Олимпиадаси чемпиони, бугунги кунда проф боксда фаолият олиб бораётган чарм қўлқоп устаси Фазлиддин Ғоибназаров Нью-Йоркда Доминикан Республикаси боксчиси Рикардо Гарсияга қарши рингга кўтарилди.

Саккиз раундлик тўрт раунд давом этди. Тўртинчи раунд якунлангач Гарсия жангни давом эттира олмаслигини маълум қилди. Бунгача Фазлиддин рақибини учинчи раундда нокдаун ҳолатига ҳам туширганди.

Бу Ғоибназаров учун профессионал рингдаги еттинчи жанг бўлди. У барча жангларини ғалаба билан якунлаган. Жангларнинг тўрттасида рақибларини нокаутга учратган. Рикардо Гарсия эса 20 маротаба рингга чиқиб, 14 маротаба ғалаба қозонган (9 та нокаут). 5 та жангда мағлуб бўлган. Фазлиддинга қарши баҳсда у фаолиятидаги дастлабки нокаутни қабул қилиб олди. Битта жангида эса дуранг қайд этган.