Ронда Роузи Дана Уайтга "вызов" ташлади

Ронданинг ушбу жанг ортидан "Paramount" платформасидаги дунёнинг энг кучли лигаси тадбирларидан кўра кўпроқ томоша йиғишига ишончи комил.

"Бу қарама-қаршилик жуда кўп қатламларга эга. Netflix ҳазиллашмаяпти. Гаров ўйнайман, биз Paramount’да UFC рекордларини ортда қолдирамиз", - деб ёзди америкалик ижтимоий тармоқда.

Беш раундлик жанг расман эълон қилингандан сўнг, Роузи дастлаб ушбу тўқнашувни ташкил этиш таклифи билан Дана Уайтга мурожаат қилганини, аммо бу ғояни UFC’да амалга оширишнинг иложи бўлмаганини айтди.

Икки кун аввал Жейк Полнинг промоутерлик компанияси 16 май куни Роузи ва Каранонинг жанги Калифорния штатининг Инглвуд шаҳрида бўлиб ўтадиган аралаш яккакурашлар бўйича биринчи MVP турнирининг асосий баҳси бўлишини расман эълон қилганди.