19 фев 15:19
Янгиликлар

Бокс/ММА

Тайсон Фьюри Маҳмудовдан кейингиси ким деган саволга жавоб берди

Теглар : Тайсон Фьюри Арсланбек Маҳмудов

Супероғир вазнда собиқ жаҳон чемпиони Тайсон Фьюри 11 апрель куни Лондон (Буюк Британия) шаҳридаги "Тоттенхем" стадионида Арсланбек Маҳмудовга қарши жанг ўтказади.

Британиялик боксчи 9 май куни WBO камари учун ўзаро жанг ўтказадиган Фабио Уордли ва Даниэл Дюбуа жуфтлиги ғолиби билан жанг қилиш истагини билдирди.

"Маҳмудов Уордли ёки Дюбуа каби хавфли. Ғолиб билан жанг мен учун қизиқарли бўларди", - дея Фьюрининг сўзларини келтиради BoxNation.

Эслатиб ўтамиз, Тайсон Фьюри сўнгги бор 2024 йилнинг декабрида рингга кўтарилган ва ҳакамларнинг якдил қарори билан Александр Усикка имкониятни бой берганди. Унинг ҳисобида 34 ғалаба (24 нокаут), 2 мағлубият ва 1 дуранг бор.

Арсланбек Маҳмудов эса сўнгги жангини 2025 йилнинг октябрь ойида ўтказиб, ҳакамларнинг якдил қарори билан Дэвид Алленни мағлуб этганди. Унинг ҳисобида 20 та ғалаба (19 та нокаут) ва иккита мағлубият бор.