Махачев Шавкат Раҳмоновнинг дивизиондаги келажагини баҳолади

Россиялик чемпион қозоғистонлик аралаш яккакураш устасининг аввалги даражасига қайта олишига ишончи комил эмас.

"Шавкатда ҳозир жароҳатларнинг қора чизиғи кетмоқда ва менимча, бу спортчи билан содир бўлиши мумкин бўлган энг ёмон ҳолат. Бундай жароҳатлар ва операциялардан кейин организм ҳеч қачон юз фоиз тикланмайди. Аммо унинг ҳали вақти бор - тузалиб, соғайиб қайтиб келади. Шундай экан, кўрамиз. Бошқа ҳеч нарса айта олмайман", - деди Махачев. 

Ўтган ой охирида тиззасидан олган жароҳати сабаб 2025 йилни ўтказиб юборган Шавкат Раҳмоновнинг яна операция қилингани маълум бўлганди. Шундан сўнг мағлубият нималигини билмай келаётган Раҳмонов ташкилотнинг ярим ўрта вазн тоифаси рейтингидан чиқарилди. Бунгача у иккинчи ўринни эгаллаб турган ва камар учун потенциал даъвогарлардан бири эди.

Маълумот учун, "Номад" сўнгги жангии 2024 йилнинг декабрь ойида ўтказганди. Ўшанда у даъвогарлар жангида ирландиялик Йен Мачадо Гэррини очколар ҳисобига кўра мағлубиятга учратган эди. Бу Гэррининг профессионал фаолиятидаги илк мағлубияти бўлганди.