Икки нафар боксчимиз Бутунжаҳон армия ўйинларида жанг қилди, олдинда яна учта жанг бор

Мусобақанинг дастлабки куни доирасида беш нафар боксчимиз жанг қилиши белгилаб қўйилган. Ҳозирча икки боксчимиз рингга кўтарилди. -49 кг вазнли боксчимиз, Осиё чемпиони Нодиржон Мирзаҳмедов кутилмаганда бразилиялик Силва Роналдога 2:3 ҳисобида ютқазиб қўйди. -64 кг вазнли Жаҳонгир Расулов эса ҳиндистонлик Кумар Сандипни 5:0 ҳисобида мағлуб этди. 

Бугун кун давомида яна уч нафар боксчимиз рингга кўтарилади:

-52 кг: Аброржон Қодиров - Жорж Мбонабуча (Танзания)

-60 кг: Шунқор Абдурасулов - Аман Индора (Ҳиндистон)

-81 кг: Козимбек Мардонов - Винченцо Лиззи (Италия)

Ўзбекистон бокс федерацияси матбуот хизмати