07 ноя 18:29
Янгиликлар
Фазлиддин Ғоибназаровнинг жанг санаси ва манзили маълум бўлди
Дунёга машҳур Top Rank промоутерлик компанияси мижози ҳисобланган чарм қўлқоп устамиз 16 декабрь куни Қозоғистоннинг Алмати шаҳрида ўтказиладиган проф бокс оқшомида рингга чиқади.
Бу ҳақда бизга Фазлиддиннинг мураббийи Аброр Турсунпўлатов хабар берди. Аброр аканинг айтишича, ушбу бокс кечаси Британиянинг MTK Global промоутерлик компанияси томонидан ташкил этилмоқда.
"Виза билан боғлиқ муаммо сабаб Ғоибназаровнинг АҚШга йўл олиши бироз кечикмоқда. Бу вазиятда Top Rank Фазлиддин учун Алматидаги бокс оқшомидан жанг ташкил этиб бермоқда. Top Rank ва MTK Global компаниялари ўртасида ҳамкорлик йўлга қўйилган. Тез орада боксчимизнинг рақиби эълон қилинади. Ҳозирда бу борада музокара давом этяпти", - дейди Турсунпўлатов.
Эслатиб ўтамиз, Фазлиддин Ғоибназаров сўнгги жангини АҚШнинг Аризона штати, Тусон шаҳрида америкалик Майкл Фоксга қарши ўтказиб, бироз кутилмаганда 92:96, 92:96, 93:95 ҳисобида имкониятни бой бериб қўйганди.
Фикрлар