Теренс Кроуфорд боксга қайтиш-қайтмаслиги ҳақидаги саволга қатъий жавоб берди

— Ростдан ҳам спортни тарк этдингизми ёки қайтишни режалаштиряпсизми?

— Мен карьерамни якунлаганимни айтдим-ку. Нима учун ҳамма Х ижтимоий тармоғидаги постиимни шунча муҳокама қилаётганини тушунмайман. Мен фақат бир нарсани текшириб кўрмоқчи эканимни айтдим. Лекин кутган натижамни кўрмадим.

— Демак, Жарон Эннис билан жанг қилишни истамайсизми?

— "Истамайман" дегани нима?

— Балки спортга қайтиш ҳақида ўйлаётгандирсиз?

— Йўқ, умуман бундай фикрим йўқ. Гўёки мен ҳали ҳам фаолиятимни давом эттираётгандек ёки ким биландир жанг қилишдан қочаётгандек таассурот уйғотиляпти. Асло ундай эмас.

— Агар катта гонорар таклиф қилишса-чи?

— Яна бир бор такрорлайман: мен карьерамни якунлаганман, — деди Кроуфорд Complex нашрига берган интервьюсида.