17 дек 12:02
Янгиликлар

Бокс/ММА

-81 кг вазнда самарқандлик боксчи Ўзбекистон чемпиони бўлди

Самарқанд шаҳри мезбонлик қилаётган бокс бўйича катталар ўртасидаги Ўзбекистон чемпионати ўз якунига етиб боряпти.

Ҳозиргина -81 кг вазн тоифасида финал жанги якунланди. Олтин медал учун самарқандлик Хуршид Абдуллаев ва Тошкент вилояти вакили Дилшодбек Рўзметов рингга кўтарилишди.

Жанг якунида Абдуллаев 4:1 ҳисобида ғалаба қозониб, Ўзбекистон чемпионига айланди. Ярим финалда мағлуб бўлган - фарғоналик боксчилар Акмалбек Қосимов ва Козимбек Мардонов бронза медалига эга чиқишди. Мардонов ўтган йили бу вазнда чемпион бўлганди.