11 янв 08:21
Янгиликлар
Теннис
Абдураимова Флорида турнири илк даврасида кортга чиқди
Мамлакатимизнинг иккинчи ракеткаси Нигина Абдураимова янги мавсумдаги иштирокини океан ортида бошлади.
Ҳамюртимиз АҚШнинг Флорида штати Дайтона Бич шаҳрида давом этаётган “Фьючерс” туркумига кирувчи мусобақанинг ҳам яккалик, ҳам жуфтлик баҳсларида ўз имкониятини синовдан ўтказяпти. Мусобақанинг соврин жамғармаси 25 000 АҚШ долларини ташкил қилади.
Абдураимова яккаликнинг илк даврасида мусобақанинг иккинчи ракеткаси норвегиялик Улрикке Элкерига қарши кортга чиқди. 25 ёшли Элкери дунё рейтингида 218, 23 ёшли Абдураимова эса 320-ўринни эгаллаб турибди.
Бир соату 6 дақиқа давом этган учрашувда Нигина рақибасига 3:6, 1:6 ҳисобида имкониятни бой бериб қўйди. Энди Абдураимова жуфтлик мусобақасида кортга чиқади. Ҳамюртимиз Хитой Тайпейи вакиласи Чин-Вен Хсу билан тандем ҳосил қилган.
Ҳавола :
Манба : olamsport.com
Фикрлар