17 авг 10:32
Янгиликлар

Бокс/ММА

Афсонавий боксчи фаолиятини якунлади

Профессионал бокснинг 3 та вазн тоифасида собиқ жаҳон чемпиони Шейн Мозли фаолиятини якунлаганлигини расман эълон қилди.

“Мен аввалгидек кучли ва навқирон эмасман. Мен боксда қоламан. Шунчаки, профессионал фаолиятимни якунладим. Энди бор тажрибам ва билимимни ёш авлодга бермоқчиман. Яъни, тез орада мураббийлик фаолиятини бошлайман”, - деди Мозли.

Маълумот учун, 45 ёшли Шейн Мозли профессионал рингда 60 та жанг ўтказган бўлиб, уларнинг 49 тасида ғалабага эришган. Бу жангларнинг 41 тасида рақибларини нокаутга учратган. Рингда Оскар де ла Хойя, Вернон Форрест, Флойд Мейвезер, Риккардо Майорга каби машҳур боксчилар билан тўқнаш келган.