14 фев 16:23
Янгиликлар

Бокс/ММА

АIBА хижобда жанг ўтказиш ҳамда ҳакамлар қарорига эътироз билдиришга рухсат берди

Туркиянинг Истанбул шаҳрида Халқаро ҳаваскор боксчилар ассоциацияси (АIBА) Ижроия қўмитасининг йиғилиши бўлиб ўтди.

Унда бир қатор масалалар кўриб чиқилди, мавжуд айрим қоидаларга ўзгартиришлар киритилди. Энг катта янгиликлардан бири ҳакамлар чиқарган қарорга нисбатан эътироз билдиришга рухсат берилганидир.

Энди ҳакам қарори юзасидан жанг якунланган заҳотиёқ эътироз билдириш мумкин. Эътироз видео такрорлар орқали кўриб чиқилади ва шикоят ўринли бўлса натижа ўзгартирилади.

Бундан ташқари, боксчилар энди мамлакат байроғи рангидаги либосларда рингга кўтарилишлари мумкин бўлади. Аёл боксчиларга эса спорт-хижобларида жанг ўтказишга рухсат берилди.