30 ноя 20:59
Янгиликлар

Бокс/ММА

AIBAга зарба! Халқаро олимпия қўмитаси расман санкцияларни бошлади

Бу қарор бугун Халқаро олимпия қўмитаси Ижроқўми томонидан Токиода ўтказилаётган йиғилиш доирасида қабул қилинди.

Халқаро олимпия қўмитаси халқаро бокс федерацияси (AIBA)га бўлган адоватидан воз кеча олмаяпти. Қўмита (ХОҚ) 2020 йили Токиода ўтказиладиган Олимпия ўйинларининг бокс мусобақаси режасини музлатиб қўйди.

Эслатиб ўтамиз, шу йилнинг 3 ноябрь куни Москва шаҳрида ўзбекистонлик Ғофур Раҳимов AIBA президенти этиб сайланганди. Раҳимов АҚШ молия вазирлиги томонидан қора рўйхатга киритилган. ХОҚ эса бу ҳолатни олимпия ўйинлари дастуридан ўрин олган бокс спорт турининг мавқейига путур етказади, деб ҳисобламоқда.

Бундан ташқари, ХОҚ AIBA ташкилотини молиялаштириш, мусобақаларга чипталар сотиш, тест режимидаги тадбирларларни ташкил қилишни ҳам тақиқлаб қўйди. AIBA реклама материаллари учун олимпия объектлари ва тимсолларидан ҳам фойдалана олмайди.