“Ал-Ҳидд” бугун Тошкентга келади

Юртимизда 2017 йилги футбол мавсумининг илк расмий учрашуви – ОЧЛ ўтиш босқичида, “Насаф” Бахрайннинг “Ал-Ҳидд” жамоасини қабул қилади.

Рақиб Баҳрайннинг “Ал-Ҳидд” клуби расмийлари ва футболчилари бугун Тошкентга етиб келишади. Клуб делегациясини бағрига олган ҳаво лайнери, кеч соат 17:40да Тошкент халқаро аэропортига келиб қўнади. “Ал-Ҳидд” клуби делегацияси 11 нафар расмий ва 18 нафар футболчилардан иборат.

“Ал-Ҳидд” жамоасининг Тошкентга ташриф буюрадиган футболчилари қуйидагилардан иборат: Аббос Хамис,  Ҳамад  Албанки, Абдулла Баба Фатади, Алиабдулла  Ҳасан, Эфидайо Омасуи (Нигерия), Саид Муҳаммад Ҳусайн, Иброҳим Алабайидли, Ахмад Иброҳим Алхаттал, Исо Мусаббиҳ (с), Рашид Халил Алхути, Окарандут Орок (Нигерия), Муҳаммад Алдовуд (Иордания), Холид Алшамҳари, Али Саид Алшаҳоби, Муҳаммад Маки Али, Уче Агба (Нигерия), Муҳаммад Алмулла, Ахмад Буғаммар.

Эслатиб ўтамиз, мазкур учрашув 31 январь сешанба куни “Бунёдкор” стадионида соат 16:00да бошланади.