"Ал Насср" маошини ошириш эвазига Роналду билан шартномани узайтирмоқчи

"Ал Насср" ва Криштиану Роналду шартномани узайтириши мумкин.

Форварднинг амалдаги шартномаси 2025 йилнинг ёзига қадар мўлжалланган. Манбанинг хабарига кўра, Саудия клуби Роналду билан шартномасини яна бир йилга - 2026 йилгача узайтириш бўйича музокара олиб боришни режалаштирмоқда. Криштиану бундай таклифга қарши эмас. Агар шартнома узайтирилса, унинг маоши оширилади. Ҳозир унга бонусларни ҳисобга олмаганда, 200 миллион евро тўланади.

Роналду билан шартномани узайтириш устувор вазифа сифатида қаралмоқда. Саудия Арабистони лигаси 2025 йил телевидение билан шартномани узайтириш бўйича музокаралар олиб бориши кераклигини инобатга олган ҳолда, ҳужумчини сақлаб қолиш зарур, деб ҳисобламоқда.

Агар унинг шартномаси узайтирилса, Роналду камида 41 ёшга тўлгунича футболда қолади. Қолаверса, “Ал Насср” билан янги келишув унга 2026 йилги жаҳон чемпионатида иштирок этиш имкониятини тақдим этиши мумкин.

Якунланган мавсум Роналду Саудия Арабистони чемпионатининг 31 ўйинида 35 та гол урди.