02 авг 09:51
Янгиликлар

Теннис

Албина Германиядаги турнирда чорак финалга чиқди

Германиянинг Бед Саулгау шаҳрида теннис бўйича "Фьючерс" туркумига кирувчи турнир давом этмоқда.

Соврин жамғармаси 25 000 АҚШ долларини ташкил қилувчи мусобақада ҳамюртимиз Албина Хабибулина ҳам иштирок этяпти. Тажрибали теннисчимиз яккаликнинг саралаш баҳсларида италиялик рақибасига ютқазиб қўйган эди.

Энди Хабибулина бор эътиборини жуфтлик мусобақасига қаратади. Бельгиялик Хелене Сколсен билан учинчи рақамли жуфтликни ҳосил қилган Албина германиялик Вивиан Хейсен ҳамда грециялик Элени Кордолайми тандемини 6:3, 6:2 ҳисобида мағлуб этиб, чорак финалга йўл олди.