03 авг 15:29
Янгиликлар

Теннис

Албина Германиядаги турнирда ярим финалга чиқди

Германиянинг Бед Саулгау шаҳрида теннис бўйича "Фьючерс" туркумига кирувчи турнир давом этмоқда.

Соврин жамғармаси 25 000 АҚШ долларини ташкил қилувчи мусобақада ҳамюртимиз Албина Хабибулина ҳам иштирок этяпти. Тажрибали теннисчимиз яккаликнинг саралаш баҳсларида италиялик рақибасига ютқазиб қўйган эди.

Ҳозирда Хабибулина бор эътиборини жуфтлик мусобақасига қаратган. Бельгиялик Хелене Сколсен билан учинчи рақамли жуфтликни ҳосил қилган Албина бугун финал чиптаси учун кортга чиқади.

Албина ва Хелене чорак финал учрашувда германиялик теннисчилар Ребека Керн ҳамда Кармен Шултхейс тандемини 6:2, 6:2 ҳисобида таслим этишди. Бугун улар ярим финалда турнирнинг биринчи рақамли жуфтлиги - венгриялик Анна Бондар ва руминиялик Жакюлин Адина Кристианга қарши баҳс олиб боришади.