30 ноя 17:10
Янгиликлар

Теннис

Албина Ҳиндистондаги турнирнинг чорак финалида кортга чиқди

Теннисчимиз Албина Хабибулина Ҳиндистоннинг Индаур шаҳри мезбонлик қилаётган, соврин жамғармаси 15 000 АҚШ долларини ташкил қилувчи турнирда иштирок этяпти.

Бир неча дақиқа аввал ҳамюртимиз ярим финал чиптаси учун кечган баҳсда ҳиндистонлик Пранжала Ядлапаллига қарши кортга чиқди. Хабибулина турнирнинг саккизинчи, Ядлапалли эса 4-рақамли теннисчиси ҳисобланарди. Учрашувда тажрибалироқ бўлган ҳинд теннисчиси 6:4, 6:4 ҳисобида ғалаба қозонди.

Эслатиб ўтамиз, Албина кеча мусобақанинг яккалик баҳслари биринчи босқичида ҳиндистонлик Нидхи Чилимулани 1:6, 6:2, 6:1, иккинчи даврада эса яна бир мезбонлар вакиласи Бувана Халвани 1:6, 6:1, 6:1 ҳисобида мағлуб этган эди.