05 авг 18:44
Янгиликлар

Теннис

Албина Хабибулина Германияда бош совринга эга чиқди

Германиянинг Бед Саулгау шаҳрида ўтказилаётган теннис бўйича “Фьючерс” туркумига кирувчи турнир ўз якуни сари яқинлашмоқда.

Соврин жамғармаси 25 000 АҚШ долларини ташкил қилувчи мусобақада ҳамюртимиз Албина Хабибулина ҳам муваффақиятли иштирок этди. Тажрибали теннисчимиз бельгиялик Хелене Сколсен билан учинчи рақамли жуфтликни ҳосил қилганди.

Ҳозиргина Албина ва Хелене бош соврин учун баҳсда АҚШ вакиласи Чиара Шол ва хорватиялик Леа Бошкович жуфтлигига қарши кортга чиқишди. Бир соату 7 дақиқа давом этган учрашувда улар 6:4, 6:2 ҳисобида зафар қучиб, бош соврин соҳибаларига айланишди.