Александр Поветкин: “Жошуани мағлуб этиш учун боримни бераман”

Россиялик боксчи ўзи учун берилган имкониятдан максимал даражада фойдаланиб, Энтони Жошуага тегишли чемпионлик камарларини тортиб олишга астойдил ҳаракат қилишини урғулади. 

“Биз машғулотларда барчасини инобатга олганмиз. Жошуанинг ҳар бир жанг олиб бориш услубини ўрганиб чиқдик. Ҳозир бу имкониятдан фойдалана олмасам, кейин бошқа бундай “шанс” бўлмаслиги мумкин.

Владимир Кличкодан мағлубият? Тан оламан, ўша пайтда Володя менда кучли эди. Менинг жисмоний тайёргарлигим талаб даражасида эмасди. Жошуага ютқазиш? Бу ҳақда умуман ўйлаётганим йўқ. Рингга фақат ғалаба иштиёқи ва илинжида тушаман”, – деди Поветкин.