19 сен 10:11
Янгиликлар

Бокс/ММА

Александр Поветкин: “Сўнгги имкониятдан фойдаланишим шарт”

Профессионал бокснинг супероғир вазн тоифасида чемпионлик камарларига даъвогар Александр Поветкин Жошуага қарши жанг олдидан яна бир бор ўз фикрлари билан ўртоқлашди.

Россиялик боксчи бу жанг ўзи учун чемпионлик йўлидаги сўнгги имконият бўлишини алоҳида урғулади.

“Мен хотиржамман. Кўтаркинки кайфиятда ёш, кучли боксчи билан жанг ўтказиш учун Лондонга йўл оляпман. Бу мен учун катта имтиҳон. Балки, бу фаолиятимдаги чемпионлик йўлидаги сўнгги имкониятдир ва бундан максимал даражада фойдаланишга ҳаракат қиламан”, - деди Поветкин.

Эслатиб ўтамиз, учта йўналиш чемпиони бўлиб турган британиялик Энтони Жошуа ҳамда россиялик даъвогар Александр Поветкин ўртасидаги чемпионлик жанги 22 сентябрь куни Лондон шаҳридаги "Уэмбли" стадионида ўтказилади.