Алина Кабаева ватани Ўзбекистонга келди

Хабарингиз бор, айни пайтда Тошкентда бадиий гимнастика бўйича жаҳон кубоги баҳслари бўлиб ўтмоқда. Мазкур турнирда Россия терма жамоаси спортчилари ҳам иштирок этмоқдалар. Терма жамоа делегацияси таркибида Алина Кабаева ҳам юртимизга ташриф буюрган.

Маълумот учун, Алина Кабаева 1983 йилда Тошкентда туғилган. "Пахтакор"нинг собиқ футболчиси Марат Кабаевнинг фарзанди. Гимнастикага илк қадамларини 3 ёшида Тошкентдаги спорт мактабида қўйган Кабаева 1995 йилда Москвага боради ва ўша ерда ушбу спорт сир-асрорларини ўрганади. Россия терма жамоаси таркибида Сидней Олимпиадасида бронза, Афина Олимпиадасида эса олтин медалларини қўлга киритган.