Алькарас Australian Open`даги ғалабаси шарафига қандай татуировка чиздиришини айтди

Кечаги чемпионлигидан сўнг испаниялик теннисчи барча "Катта Дубулға" турнирлари US Open, "Ролан Гаррос", Уимблдон ва Australian Open бош совринларини ўз қўлида бирлаштирди. Унда Australian Open`дан ташқари қолган барча "Катта Дубулға" турнирлари чемпионликларига бағишланган татуировкалар бор эди.

— Аллақандай ғоянгиз борми?

— Мен бу татуировка, албатта, кенгуру бўлади, дегандим. Ҳа, кичкина кенгуру (жилмайиб). Мен уни аниқ оёғимга чиздираман - ўнг ёки чап оёғимга, очиғи билмайман. Яхши жой танлаш керак. Лекин "Ролан Гаррос" ёки Уимблдон шарафига ишланган татуировкалар ёнида бўлади. Фақат қарор қабул қилиш қолди", - деди испаниялик матбуот анжуманида.