18 дек 11:39
Янгиликлар

Бокс/ММА

Америка футболи афсонаси Брэди UFC’нинг икки буюк жангчисини айтди

Супербоулнинг етти карра ғолиби, Америка футболи тарихидаги энг яхши ўйинчилардан бири Том Брэди Ultimate Fighting Championship (UFC) промоушени тарихидаги (GOAT) икки буюк жангчини эътироф этди.

"Энг буюк? Жон Жонс ва Хабиб Нурмагомедов. Иккаласини ҳам яхши кўраман", - деди Брэди журналист Нина Драманинг Kick платформасидаги стримида.

Маълумот учун, Жон Жонс 2008 йилдан 2024 йилгача профессионал даражада фаолият юритган. Унинг ҳисобида 28 ғалаба, битта мағлубият бор. Яна битта жанги ўтказилмаган деб топилган.

Хабиб Нурмагомедов аралаш яккакурашлар тарихидаги энг муваффақиятли жангчилардан бири ҳисобланади. Кўпгина мутахассислар уни энг буюк деб аташади. Аралаш яккакурашлардаги фаолияти давомида россиялик 29 та жанг ўтказиб, уларнинг барида ғалабага эришган. Дана Уайтнинг промоушенида 13 та ғалаба қайд этган.