Аморим Шешконинг трансфери ҳақида гапирди

Трансфер суммаси 76,5 млн евро ва бонуслар 8,5 млн еврони ташкил қилган. Бош мураббий Рубен Аморимнинг Шешконинг келишига муносабати клуб расмий сайтида эълон қилинди.

"У бизга керакли хусусиятларга эга ва жуда ёш. У ҳавода яхши ўйнайди, тўпни яхши узатади, тўп билан яхши муомала қилади. Унинг салоҳияти катта деб ўйлайман. Ўйлайманки, у сезиларли даражада кучайиши мумкин ва албатта, у клубимизда ўзини ўз уйидагидек ҳис қилади", - деди Аморим.

Беньямин Шешко МЮ билан 2030 йилгача мўлжалланган шартнома имзолади. Форвард ўтган мавсум Бундеслигада 13 та гол урди.