Ана холос! Энди Жидда шаҳрида ҳам чемпионлик бокс кечаси ўтказилади

Ярим финал доирасидан ўрин олган жангда WBO йўналиши чемпиони украиналик Александр Усик WBC чемпиони латвиялик Майрис Бриедисга қарши рингга кўтарилади. Ушбу чемпионлик жанги Саудия Арабистонининг муқаддас Жидда шаҳрида ўтказилади.

Куни кеча Лондон шаҳрида жанг ташкилотчилари ва баҳсни қабул қилувчи томон ўртасида шартнома имзоланлди. Жиддадаги бу жанг январь ойида бўлиб ўтади. Ҳозирча жангнинг аниқ санаси маълум эмас.

Бугунга келиб ярим финалга уч нафар боксчи етиб келган. Усик ва Бриедисдан ташқари WBA чемпиони Юньер Дортикос ҳам ярим финалга чиққан. Унинг рақиби IBF чемпионлик камари соҳиби россиялик Мурат Гассиев ҳамда польшалик Кшиштоф Влодарчик ўртасидаги жангдан сўнг аниқланади.