Ана холос! HBO телеканали энди бокс жангларини намойиш этмайди

Home Box Office расмийлари 2019 йилда умуман бокс жанглари олиб кўрсатилмаслигини ўз баёнотларида айтишган. Сўнгги йилларда HBO телеканалида бокс жангларининг намойиши кескин камайиб кетди. 

Телеканал эфирга узатган сўнгги трансляция Сауль Альварес ва Геннадий Головкин ўртасидаги реванш жанги бўлади. Норасмий маълумотларга қараганда, PPV пакетлари, яъни пулли трансляция 1,1 миллион томошабинга сотилган. 

27 октябрь куни ўтказиладиган украиналик Сергей Деревянченко ҳамда америкалик Дэнни Жейкобс ўртасидаги чемпионлик жанги НВО телеканали намойиш этган энг сўнгги бокс баҳси сифатида тарихга киради. 

Телеканалнинг бундай қарорга келишига катта эҳтимол билан рақобат таъсир ўтказди. Жорий йилда ESPN телеканали океан ортидаги бокс-бозорига катта сармоя киритди. Showtime телеканалида Premier Boxing Champions лойиҳаси ҳам ўз фаолиятини кенгайтирмоқда. Қолаверса, сентябрь ойида АҚШда DAZN онлайн-платформаси ҳам иш бошлади. Буларнинг барчаси HBO телеканалидан бюджет томонлама анчагина бақувват.