30 май 12:08
Янгиликлар
Теннис
Андижон “Фьючерс”. Абдураимованинг кутилмаган мағлубияти
Андижон шаҳрида хотин-қиз теннисчилар ўртасидаги “Фьючерс” тоифасига кирувчи турнирнинг асосий тўр баҳслари давом этмоқда.
Соврин жамғармаси 25 000 АҚШ долларини ташкил қилувчи ушбу мусобақада бир неча нафар теннисчиларимиз ҳам ўз имкониятларини синовдан ўтказишяпти.
Афсуски, ҳозиргина якунига етган учрашувда турнирнинг учинчи ракеткаси Нигина Абдураимова мағлубиятга учради. Ҳамюртимиз 1 соату 36 дақиқа давом этган баҳсда россиялик Анастасия Фроловага икки сетда ҳам бир хил 4:6 ҳисобида имкониятни бой бериб қўйди.
Бироздан сўнг турнирнинг биринчи ракеткаси сифатида қайд этилган ҳамюртимиз Сабина Шарипова кортга чиқади. Унинг илк даврадаги рақибаси грузиялик Марьям Болквадзе бўлади.
Бугун Оқгул Омонмуродова беларуслик Анна Кубаревага, Камола Умарова эса ҳиндистонлик Дхрутти Татачарга қарши кортга чиқади.
Ҳавола :
Манба : olamsport.com
Фикрлар