31 май 15:20
Янгиликлар
Теннис
Андижон “Фьючерс”. Чорак финалга биргина вакиламиз етиб келди
Андижон шаҳрида хотин-қиз теннисчилар ўртасидаги “Фьючерс” тоифасига кирувчи турнирнинг асосий тўр баҳслари давом этмоқда.
Соврин жамғармаси 25 000 АҚШ долларини ташкил қилувчи ушбу мусобақада бир неча нафар теннисчиларимиз ўз иштирокларини бошлаган эдилар. Улардан биргина Оқгул Омонмуродова чорак финалга етиб келди.
Тажрибали теннисчимиз бир неча дақиқа аввал иккинчи давра учрашувида турнирнинг еттинчи ракеткаси, украиналик Валерия Страховани 6:3, 4:6, 7:6(2) ҳисобида мағлуб этишга муваффақ бўлди.
Эслатиб ўтамиз, турнирнинг мос равишда биринчи ҳамда учинчи ракеткалари бўлган ҳамюртларимиз Сабина Шарипова ва Нигина Абдураимова илк даврадаёқ мағлубият аламини тотиб кўришганди. Омонмуродованинг чорак финалдаги рақибаси грузиялик Марьям Болквадзе бўлади.
Ҳавола :
Манба : olamsport.com
Фикрлар