Андижон “Фьючерс”. Тўрт теннисчимиз жуфтликда 1/4 финалга чиқди

Хотин-қиз теннисчилар ўртасидаги мусобақанинг жуфтлик баҳсларида чорак финал иштирокчилари маълум бўляпти. Ҳамюртимиз Нигина Абдураимова ва россиялик Ксения Ликинадан иборат турнирнинг биринчи рақамли жуфтлиги биринчилардан бўлиб чорак финалга чиқди.

Нигина ва Ксения ҳиндистонлик теннисчилар Кира Шрофф ҳамда Дхрутти Татачар тандемини 6:1, 6:7(8), тай-брекда 10:8 ҳисобида мағлуб этишди. Уларнинг ярим финал остонасидаги рақиблари ўзбекистонлик теннисчилар - Полина Меренкова ва Камола Умарова бўлади.

Ҳамюртларимиз илк даврада грузиялик Марьям Болквадзе ва ҳиндистонлик Карман Каур ҳамкорлигидан 6:1, 6:4 ҳисобида устун келишди. Украиналик Валерия Страхова билан жуфтлик ҳосил қилган Оқгул Омонмуродова ҳам чорак финалга йўл олди. Сабина ва Элина Шариповадан иборат жуфтлигимиз эса мағлубиятга учради.