29 май 09:40
Янгиликлар
Теннис
Андижонда “Фьючерс” турнири бошланди, Файзиев 1-ракетка
Бугун Андижон шаҳрида теннис бўйича соврин жамғармаси 25 000 АҚШ долларидан иборат бўлган турнирнинг асосий тўр баҳслари бошланади.
Ҳамюртимиз Санжар Файзиев дунёнинг ўндан ортиқ давлати теннисчилари иштирок этаётган ушбу мусобақанинг биринчи ракеткаси сифатида ғолиблик учун баҳсларга киришади. У илк даврада беларуслик Микалай Халякка қарши кортга чиқади.
Шунингдек, Андижон турнирининг асосий тўрида ҳамюртимиздан Темур Исмоилов, Сергей Фомин, Павел Цой, Аброр Исоқов, Саидаъло Саидкаримов, Шониғмат Шофайзиев, Шаробиддин Абзалов иштирок этади.
Мамлакатимизнинг иккинчи ракеткаси бўлган Санжар Файзиевдан ташқари Андижон турнирининг бош мукофоти учун ҳиндистонлик Шрирам Балажи, украиналик Владислав Манафов, беларуслик Дмитрий Жирмонт, россиялик Денис Мацукевичлар асосий даъволгар сифатида эътироф этиляпти.
Ҳавола :
Манба : olamsport.com
Фикрлар