Андижонда “Фьючерс” турнири старт олди, Сабина 1-ракетка!

Ушбу мусобақада ҳам ҳамюртимиз биринчи ракетка сифатида қайд этилган. Сабина Шарипова турнирнинг сараланган биринчи рақамли теннисчиси сифатида ўз иштирокини бошлайди. Унинг илк даврадаги рақибаси грузиялик Марьям Болквадзе бўлади.

Сабинадан ташқари вакилаларимиздан Нигина Абдураимова, Оқгул Омонмуродова, Арина Фольц, Полина Меренкова, Жамила Сайидхўжаева ва Камола Умарова ҳам асосий тўр баҳсларида қатнашиш ҳуқуқини қўлга киритган.

Қуръа натижасига кўра, Абдураимова илк босқичда россиялик Анастасия Фроловага, Омонмуродова беларуслик Анна Кубаревага, Сайидхўжаева россиялик Ольга Дорошинага, Фольц яна бир рус теннисчиси Алена Тарасовага, Меренкова украиналик Ольга Янчукка, Умарова эса ҳиндистонлик Дхрутти Татачарга қарши кортга чиқади.