19 июн 14:40
Янгиликлар

Бокс/ММА

Андре Уорд: "Фақат битта ҳолатда Ковалёв билан учинчи жанг бўлади"

Америкалик боксчи Андре Уорд россиялик Сергей Ковалёвга қарши учинчи жангни ўтказишдан фойда йўқлигини маълум қилди.

Профессионал бокснинг IBF, WBA ҳамда WBO йўналишлари чемпиони бўлган Уорд шанба куни реванш жангида иккинчи бор Ковалёвни мағлубиятга учратган эди.

"Ҳеч қандай учинчи жанг ўтказилмайди. Етарли. Фақат битта ҳолатда Ковалёвга қарши учинчи жангда рингга чиқишим мумкин. Бунинг учун Сергей WBC чемпиони Адонис Стивенсонни мағлуб этиши керак. Шундагина мен у билан учрашаман ва менга етмай турган камарни тортиб оламан", - деди Уорд Boxing Scene сайтига берган интервьюсида.